Troop 8 – Chrut & Rüebli

Troop Leaders

  • Lupo
  • Rantanplan
  • Taija
  • Yuyutsu

Description


Mir sind de Trupp Chrut&Rüebli und waged ois de Summer z vierzigste über de Teich, zum in West Virginia Abentüür erlebe, Kontäkt chnüpfe und richtig pfadi-like uf Feldbetter übernachte.
Die namensgebendi Schwiizer Redewendig bedütet für ois: Als Pfadis und baldigi Jamboree-Gänger sind mir offe für Diversität und somit interessiert am Kennelerne vo noie Aasichte und Lebenswiise (ob Migros- oder Coop-Chind, Chäs-Liebhaber oder antipatriotischi Kulinarik-Banause: alles isch akzeptiert). Asuste isch de Name nöd so Programm: Mir sind nöd bunt zemmegwürflet, sondern chömmed all us Winterthur und Umgebig. 
(A dem Punkt werded Interessierti und mit Schwiizer Redewendige Unvertrauti go google, was Chrut&Rüebli würkli gnau bedütet: So vill isch nöd z finde, aber s Bild vonere Frau mit Rüebli-Munitionsgürtel macht d Suechi doch lohnenswert.)